Журналист

Басты талап:
- қазақ тілінде ойын еркін жеткізіп, эксклюзив материалдарды сауатты жаза білу;
- фактчекингтен хабары бар, журналистік түйсігі бар маман болу;
- қызықты кейіпкер тауып, одан сұхбат ала білу;
- елде аса маңызды оқиға болған кезде кез келген уақытта жұмысқа қосылуға, қосымша жүктемелерге дайын болу;
- ақпарат ағынына ілесе алу, маңызды отырыстар, жиындар, соттарға қатысып, оқиға орнынан жылдам ақпарат тарату.

Сізді командамызда не күтіп тұр:

-Аванс жүйесі бар тұрақты жалақы, төленетін еңбек демалысы.
Қызметкерлер айдың ортасында жалақының 50%-ы мөлшерінде аванс ала алады.

- Өз саласында өсу мүмкіндігі.
Тегін курстар, концерттік билеттер, кеңседегі жеке кітапхана, Lerna-да корпоративтік жеңілдіктер - мұның бәрі біздің командаға қосылғандарға қолжетімді.

- Жұмыс форматын таңдау мүмкіндігі – онлайн немесе кеңседе.
Қызметкерлер үшін компанияның қала орталығында орналасқан кеңсесінің есігі әрдайым ашық, сонымен қатар онлайн форматта жұмыс істеуге болады. Кеңседе массаж креслосы және кофемашина бар.

- Кәсіби мамандардан құралған мықты команда.
Мұқият ойластырылған редакция саясаты мен толыққанды кәсіби командасы бар редакция 15 жылдан астам уақыт жұмыс істеп келеді.